أنا هتكلم باللغة العامية في الموضوع ده بالذات
علشان عايز اقول فيه كلمتين
دلوقتي هنتهم البنات انها لا تعرف معني الحب
وكمان شوية هنلاقي البنات هي اللي بتتهم الشباب بضياع معني الحب
انا شايف انه مفيش لزوم لكده اصلا
الحب موجود وهيفضل موجود مهما حصل من فشل لعلاقات كتيرة
وانا شايف ان الشباب من الجنسين متهمين بمثل هذا المستوى المتردي اللي وصل
له الحب
الشاب من دول يعجب ببنت والبنت تعجب بيه
ومن لحظتها عايزين يقضوها فسح وخروجات وسينما ورحلات وكلام كتير من دي
حوارات على رأي محمد ملهاش اي لازمة
تقضية وقت مش اكتر ولا اقل
نظام تسلية مؤقته هتنتهي مع الوقت
لالالالالا
مش هو ده الحب اللي ممكن نبحث عن معناه
الشاب لما يحب بنت حب حقيقي يبدأ يفكر هيرتبط بيها ازاي
ومش هيهمه ان كان يخرج معاها قبل الارتباط او الزواج ولا لأ
لان ده شرعا لا من حقه ولا من حقها
ولا يهمه ان كل شوية يكلمها ويقضوها موبايلات
الحب غير كده خالص
علشان كده نجد فشل الكثير من العلاقات
وفي الآخر البنت تتهم الشاب انه كان بيتسلى بيها
والشاب يتهم البنت انها مش على المستوى اللي هو بيتمناه
وكله كلام فاضي
وبعيد عن الدين كل البعد
حبيت بنت تتقدملها
تخطبها
تقابلها امام كل الاهل
تدخل البيت من بابه
مش نعمل زي اللصوص ونقابل بعض بعيد عن اهالينا
ولو اهلها وجدوا انك عريس جاد ومناسب هيرحبوا بيك جدا
محتاجين الجدية والنية الصادقة في معاملاتنا شوية
كفاية اللي بنشوفه كل يوم
موضوع: مفيش بنت تحب ولد بجد 
الأربعاء مارس 24, 2010 9:34 am
