موضوع: مسخرة الاخلاص فى الحب الأحد أغسطس 24, 2008 6:58 am
لا اعرف ما هو سبب اصرار معظم الشباب وخاصة الفتيات على متابعة برنامج انا والنجوم وهواك لا اعرف اذا كان هو هدفه هو التلاعب بمشاعر الشباب او اعطائهم النصائح وموضوعي ماهو الا نقد للبرنامج ليس اكثر ـــــــــــــــــــــــــــ اهلا بيكم في حلقة جديدة من برنامجنا انا والنجوم وهواك وحلقتنا النهاردة عن الاخلاص في الحب فاصل ونعود ــــــــ عدنا مرة اخرى اعزائي المستمعين وحلقة النهاردة عن الاخلاص في الحب في مواقف كتيييير بصراحة عن الاخلاص في الحب زي مثلا يحضرني موقف الان انه كان في وحدة جوزها محبوس وكانت عايزة تخرجه من السجن وتقومله محامي اضطرت انها تبيع اللحاف بتاعها في عز الشتا باعت اللحاف ونامت من غير غطا ياعيني وجالها برد و روماتيزم عشان تطلع جوزها من السجن هو ده الاخلاص ياجماعة ومعانا اتصال تليفوني ونقول الوووووووووووو تامر :الو ازيك يا استاذ اسامة اسامة :اهلا وسهلا ممكن نتعرف بيك تامر: انا تامر واصحابي الانتيم بيقولولي تيمووووو اسامة: اهلا ياتيمو سمعت موضوع حلقتنا النهاردة ؟ تامر :ايوة سمعته بس انا عندي مشكلة اسامة :اتفضل ياتيمو تامر :والله يا اسو (دلع اسامة) انا مش عارف اوصفلك مشكلتي اسامة:خير ياتيمو احكيلي وفضفضلي (ناقص بس يغني اغنية منة ونهلة ) تامر :اسمع ياسيدي (يعبر عن مشكلته بقصيدة ) حبـــــــــــيـــــــتــــــــها حبيتها وجبت واحد صاحبي رسم على قلبي صورتها حبيتها وانا عاشق التراب اللي بتمشي عليه اسرتها ابوها ده راجل زين احسن في تربيتها امها دي زي السكر بس ياخسارة قاعدة في البيت زي حيليتها حبيتها وجي اليوم اللي اخذ اهلي فيه واروح بيتها قعدت امي مع مامتها ، جات امي صدمتني وصدمتها وقالتلي يابني دي اختك في الرضاعة مش عيب على شنبك تامر :شفت يا استاذ اسامة قد ايه ...................... اسامة : نأسف يا جماعة الخط اتقطع واضح ياجماعة انه تيمووووو مجنون بحبها بس ياخسارة !!!!! نروح نسمع اغنية الدنيا مجنونة ونرجع لبعض تاني ورجعنالكوا مرة تانية اعزائي المستمعين ومعانا اتصال ونقول الوووووووو سالي: الو(بكل نعومة) اسامة:صوت جميل يا ترى مين صاحبة الصوت ده؟؟ سالي :انا اسمي سالي اسامة:اهلا وسهلا يا سالي عاملة ايه سالي :اسامة هو حضرتك بتشرب حاجة دافية اسامة:اه بشرب شاي بحليب اشمعنه سالي :اصل حضرتك صوتك دافي جداااا اسامة :ميرسي يا سالي ، سالي هو انتي بتتكلمي منين سالي :انا بتكلم من تحت اللحاف اسامة :واضح عشان انتي كمان صوتك دافي بتتكلمي من تحت اللحاف دي حاجة جميلة سالي انتي عندك كم سنة سالي :انا عندي 38 اسامة :جميل انتي مرتبطة ياسالي سالي :اكيد اكيد يا اسامة مرتبطة اسامة:اللي انتي مرتبطة بيه اسمه ايه وعنده كم سنة سالي :اسمه حمادة وعنده 16 سنة اسامة :اه جميل ياجماعة السن ده مثالي جداا للارتباط يعني انا برشح اي اتنين عايزين يرتبطوا السن ده جميل جداا سالي :شفت يا استاذ اسامة تخيل حضرتك جوزي جوزي يخش عليا مرتين يلاقي حمادة مرة يكون عايز يرميه من البلكونة ومرة يضربه ويبهدله اسامة: سالي ثانية واحدة انتي متجوزة سالي :ايوة متجوزة اسامة:جوزك ده متخلف ورجعي ياسالي يعني مش فاهم يعني ايه ياجماعة ياناس لازم نراعي الحب هو ده الاخلاص في الحب ياجماعة يعني فيها ايه لما سالي ترتبط وهي متجوزة سالي : حضرتك انا معايا حمادة يعني حمادة ده وديع اسمعه(حمادة عالى كلم عمو يا حبيبي ) حمادة :ليك الواوا بوس الواوا خلي الواوا يبح اسامة: طيب يا سالي اديني حمادة حمادة:اسامة حضرتك انا حمادة اسامة:ازيك ياحمادة عامل ايه حمادة :الحمد لله انا فرحان اوووي اني بكلم حضرتك يا استاذ اسامة اسامة:وانا فرحان بردو اني بكلمك سالي :استاذ اسامة جوزي جوزي جوزها:ايه يابت يا سالي بتعملي ايه يابت بتتكلمي في التليفون ولا ايه يابت قاعدة مع واحد وبتكلمي واحد انا فين من ده كله ياسالي بتكلمي مين هاتي جوزها:الوووووووو اسامة :الوووو جوزها : مين معايا اسامة: ممكن اكلم هشام جوزها :هشام مين يا ابن البيييييييييييييييييب انا وحياة ابو البييييييييييييب والله العظيم بيييييييييييييييييب اسامة:ايه كمية بييييييب اللي حضرتك بتقولها انا مش فاهم يعني جوزها :انا هنتقم منها ومن حمادة طاح طاخ طاخ حمادة :اه (بكل برود) اسامة:الواضح انه جوزها دخل عليهم وقتل سالي وحمادة
أسامة منير مذيع برنامج : أنا و النجوم و هواك و المشار اليه هنا .. ماهو إلا بديل لأم غير واعية و أب غير واعي وسالي ماهي الا من نماذج الحب التيك اواي
القلب الطيب
عدد الرسائل : 2 تاريخ التسجيل : 22/08/2008
موضوع: رد: مسخرة الاخلاص فى الحب الإثنين أغسطس 25, 2008 2:42 pm
فارس الرومانسيه المدير
عدد الرسائل : 678 تاريخ التسجيل : 29/07/2008
موضوع: رد: مسخرة الاخلاص فى الحب الثلاثاء أغسطس 26, 2008 3:27 am
موضوع: مسخرة الاخلاص فى الحب 
الأحد أغسطس 24, 2008 6:58 am
